Nsang Awng La Hte Sweden Fighter Kadestan Yan October Shata Hta MMA Shingjawng Na Lam

Pajau Media

September 3, 2025

MMA Mungkan hta mying gumhkawng ai Nsang Awng La hte Sweden Mungdan masha Fighter Kadestan Yan a shingjawng lamang hpe du wa na October 3 ya shani Thai Mungdan Bangkok kaw galaw sa wa na re lam One Championship kawn n dau da ai re.

One Fight Night 36 shingjawng lamang hpe Bangkok Muklum kaba hta Galaw sa wa na rai nna Nsang Awng La hte Kadestan yan a MiddleWeight shingjawng lamang re lam chye lu ai.

Asak 39 ning re ai N sang Awng La gaw MMA shingjawng lamang hpe 44 lang ginsup ai hta shingjawng poi 33 gaw awng dang nna 14 lang sum ai re lam chye lu ai.

Ya bai shingjawng na Kadestan gaw Asak 34 ning rai nna MMA poi lamang 22 lang shingjawng ai hta 15 lang dang nna 7 lang sum ai re hpe mung chye lu ai.

Nsang Awng La hte One Championship myit hkrum ta masat htu da laman n dai shingjawng lamang gaw Nsang Awng La a matu hpang jahtum shingjawng ai lam mung mai byin wa ai lam tsun da ai re. Nsang Awng La nan mung shi a shingjawng lamang hte seng nna facebook ganghkau n tsa tsun shabra ai lam nga ai re hpe mung chye lu ai.

Jinghpaw Wunpawng amyu sha Nsang Awng La gaw lai wa sai Febuary 20 ya shani hta mung Qatar Mungdan kaw Turkey Mungdan masha Erdogan hte shingjawng ai lamang hta mung sum mat ai re hpe chye lu ai.

Shiga - Hpring