NUG Asuya Npu Hpaw Da Ai Hpaji Jawng Yawng Hpe Gan Jahkring Ai Lam NUG Hpaji Lam Hkring Mang Rung Kawn Ndau Wa Ai Lam

Pajau Media

May 26.2025

Myen hpyen dap gaw ya aten Mungdan kata aten ntam shara n lata n bungli bawm gap bun ai lam ni nga ai majaw NUG asuya uphkang ai kata hpaw sharin nga ai hpaji jawng ni hpe aten n masat gan pat na lam NUG hpaji lam hkring mang rung kawn ndau wa ai re.

 Ndai laika hta Myen hpyen dap gaw hpaji jawng, tsi rung tsi gawk hte masha law law hpawng nga ai shara hkan masat shingte tawn nna n bungli bawm sha n-ga lak nak kaba gap bang ai lam grau grau galaw wa ai. Myen hpyen dap gaw masing nga nga gap gasat ai, grau nna gaw War Crimes Against Humanity hpe shani shagu tawt lai nga ai re.

N dai masa lam ni a majaw mara kata Hpaji sharin nga ai jawng ma ni, sharin ai sara , sara num ni asak shimlum lam nga na matu NUG asuya hte matut mahkai ai ninghpaw ninghpang hpaji jawng ni, Madang tsaw hpaji madang ni hte kaga hpaji lam hte seng ai Jawng yawng hpe May 25 kaw nna aten n masat gan pat da ai lam tsun n dau da ai re hpe mung chye lu ai.

NUG kawn tang madun da ai hta Myen mungdan kata March 28 kaw nna May 16 ya du hkra Myen mungdan kata myen hpyen dap n bungli bawm jahkrat gap gasat ai lam (445) lang galaw ai re hte Mung masha kaji kaba marai (416) asak si sum ai lam tang madun ai hta sagaing ginra gaw law dik re lam tang madun da ai.

Shiga- Pyilan U