Num Kasha Langai N Hkyi Galun Sat Ai Wa Hpe Nta Masha Ni Hte Mung Masha Ni Lawan Lu Rim Na Matu Ra Sharawng Nga Ai Lam

Pajau Media

September 30, 2025

Myitkyina Thidar lawk ဆုတောင်းပြည့် Hpunggyi Jawng makau kaw Asak 20 ning re ai amyu shayi langai nhkyi galun sat manghkang shabyin ai ni hpe lawan rim ahkyak la na matu n ta masha ni hte Mung masha ni ra sharawng nga ma ai re.

"Myitkyina gaw dai ning laman grai sawng wa ai, masha mung masha myit n rawng mat, kaji mi re yang sat na nat na nga hkrai na lu ai, shani shagu lagut damya hkrai na, shim lum lam n nga sai, asak ram ai kashu kasha ni hpe pyi kanu kawa n lawm ai sha gara pyi n kam sa shangun ai, lit nga ai ni kawn ahkyak la ai lam galaw shangun mayu ai" nga nna tsun ai.

Dai ning laman Muklum kata nhkyi galun ai manghkang, lagut damya manghkang ni matut manoi na lu ai re hte Tara Upade ka up ai lam n-gun grai yawm ai a n tsa Mung masha ni grai myit tsang nga ma ai re.

Ya na zawn re ai manghkang n byin hkra manghkang shabyin ai masha ni hpe lawan rim nna ja ja ahkyak la ai lam galaw shangun mayu ai lam chye lu ai.

Ya na zawn manghkang shabyin ai ni hprawng lawt taw ai gaw kaga ni a matu mung grai tsang ra ai re lam tsun ai re.

September 28 ya shani Du kaw n hkyi galun sat hkrum ai num kasha gaw Shayi Nu Nge Hlaing ngu ai num sha rai nna Kanu kawa ni gaw Miwa Mung de bungli galaw nna nga ai re. Asak 20 ning rai nna myitkyina shatapru kaw asawng shap nga ai re hte tsi sara num garum magam bungli jawng lung nga ai re lam chye lu ai.

Shy Nu Nge Hlaing a moi mang hpe ni nawn ai jinghku ni wa hta makoi kau sai re lam chye lu ai. Myitkyina Muklum hta manghkang jahkring hkring byin ai raitim lit nga ai ni kawn kalang ma ahkyak la ai lam n nga ai re hpe mung chye lu ai.

Shiga - Kachyin Pyi Tar