Num Kasha Marai (3) Hpe Mara Kata Sat Kau Ai Salang Ung Sau Doi Aung Hpe Si Ari Jahkrat

Pajau Media

1.4.2025

Asak 10 ning re ai num kasha marai 3 hpe rim woi mat nna sat kau ai manghkang shabyin ai Salang Ung Sau Doi Awng hpe Laiza Tara Rung kaw nna March 29 ya shani htawng shaning 30 ning jahkrat ai sha n-ga prat htawng mung jahkrat ai lam chye lu ai.

Tara hkam Slg Ung Sau Doi Awng hpe lai wa sai March 21 ya shani masha hpe masu woi mat ai amu Daw (364), masha sat amu Daw 302(1)(b), asak n hpring ma ni hpe mazut roi rip ai tara Daw (376) ni hte tara je wat ai rai nna tara hkam wa gaw ma kaji mazut roi rip ai lam gaw n nga ai ngu tsun ningdang ai raitim sak se n nga ai majaw tara rung kawn n hkap la ai lam tsun da ai re.

March 29 ya shani gaw masha hpe masu nna woi mat ai tara Daw (364) hte bungli shaja hte htawng dam (10) ning, ma mazut roi rip ai amu Daw (376) hte htawg dam 20 ning hte masha sat amu hpe si ari jahkrat ai lam chye lu ai.

Salang Ung Sau Doi Awng hpe Febuary 25 ya shani rim hkrum ai hpang Marh 17, 18 ya hta Laiza tara rung kaw tara rung shapraw jep joi ai hta mara lu ai lam hkam la ai re hpe mung chye lu ai. Tara hkam wa hpe aten na na jep joi ai hpang March 29 ya shani gaw amying jahkrat ai re.

Salang Ung Sau Doi Awng gaw Feb 22 ya shani Laiza makau Je Yang hpyen yen dabang kaw nga ai shi ningrum ningtau jan kaw wa chyai ai asak 10 ning daram re ai num kasha marai 3 hpe rim woi mat nna zingri sat kau ai majaw ya na zawn si ari jahkrat hkrum ai re hpe mung chye lu ai.

Shiga- Yaung Ni