Pangwa Ginra Hta Kani Nang Hpam Dut Hpaga Hte Lu Sha Ai Lam Yawm Wa Sai Lam

Pajau Media

December 19.2025

Pangwa ginra gaw lai wa sai ten kaw nna Kani nang hpam hkai dut hpaga galaw ai lam hpe wanglu wanglang galaw lai wa ai ginra rai nga ai hta Shanglawt Asuya uphkang wa ai hpang kaw nna Kani nang hpam dut hpaga hte lu sha, hkai ai lam ni grai yawm wa sai re lam chye lu ai.

Shanglawt asuya hku nna Kani nang hpam gaw Wunpawng Myusha ni a hpyen madung hku Wunpawng Myusha ni a hpyen madung hku masat let shanglawt uphkang ginra kata hta n-gun dat gasat shamyit ai lam ja ja galaw nga ai re .

Lai wa sai ten, shaning law law kaw nna Pangwa ginra kata ka-ni nanghpam hpe madung shang gumhpraw langai hku nna galaw sha wa sai raitim Shanglawt asuya uphkang hpang wa ai kaw nna mare uphkang salang ni hte Pat Jasan Komti ni ta gindun nna ningmu jahpaw hkaw tsun hpawng ni hpe lang hte lang woi galaw ai majaw kani nanghpam hte seng nna hkoi tsai wa ai maga re wa sai lam chye lu ai.

Uphkang nga ai Shanglawt asuya kawn mung ginra masha ni hpe Kani nanghpam hkai na malai kaga hkam kaja lam hpe madi shadaw ai, akyu nga ai hkai n mai ni hpe hkai shadut lu hkra mung woi awn galaw nga ai re majaw Pangwa ginra kata Kani nanghpam hte seng nna hkoi tsai wa ai maga de du nga sai re hpe mung chye lu ai.

Pangwa ginra hpe 2024 October 18 ya hta KIA pawng hpawm hpung ni kawn htim gasat zing madu la lu ai hpang KIO uphkang masa hte uphkang nga ai gaw ya aten du hkra re.

Shiga: Pyilan U