Pin Lung Mare Makau Mayan Gasat Gala Maja Laja Nga Ai Lam

Pajau Media

August 4, 2025

Mogawng ginra kata na Pin Lung mare makau mayan hta Myen hpyen dap, Sam Hkyeng P.T.Ts pawng hpawm hpung ni hte KIA /PDF pawng hpawm hpung lapran gasat gala majan byin ai lam dai ginra masha ni tsun ai kaw na chye lu ai.

“ Shana daw Hkying 5 daram kaw nna byin hpang ai re, hkying hkum 2 daram na ai, ah dwi gaw Asak 80 jan taw sai, lu ma n lu hprawng sai, Pin Lung hte ni ai majaw gasat taw ai grai na lu ai, lahkawng maga gaw mungdan langai na sha re majaw gara maga hpe ma ahtu hkra ai lam n byin shangun mayu ai, sawng wa yang gara de hprawng na, ngu myit na yup ma n lu ai, shana hkying 8 daram hta gaw n sen zim mat sai ” nga nna tsun ai re.

Lahkawng maga gasat gala majan byin ai gaw lai wa sai August praw 1 ya kaw nna rai sai hte hpang shani kaw nna Pin Baw Balik Dap shagyit hta hkawm sa hkawm wa Mung masha ni hpe grai jep shatsang ai re lam chye lu ai.

Pin lung, Pin Baw, Kung Tan Gyi mare ni gaw mare kahtawng langai hte langai matut ai rai nna Mandalay Myitkyina Pyidaungsu Lam maw kaba ntsa na mare kahtawng ni re lam chye lu ai.

Shiga- Hting Nai