Putao Ginra Hta Lahkawng Maga Majan Laja Nga Ai Lam

Pajau Media

April 28, 2026

KIA masat 1 dap ba, masat 7 dap dung Putao ginra hta KIA pawng hpawm hpung hte Myen Hpyen Dap ni myiman hkrum majan byin nga ai lam chye lu ai

April 26 ya hkying 10 jan laman hta Putao ginra Sumpi Yang makau grup yin hta hpyen shamu shamawt nga ai myen hpyen hpe KIA pawng hpawm dap kawn ninghkap majan gasat wa ai hta lahkawng maga hkrum majan byin wa ai hpe chye lu ai.

Myen hpyen dap n-gun 70 ram nga ai Sumpi Yang makau de hpyen shamu shamawt nga ten Wadat mare makau hta KIA kawn ninghkap gasat wa ai hta hpyen dap kaw na hkra hkala si sum law nna, bai nhtang htingnut wa ra ai hpe chye lu ai.

Ya ten KIA masat 1, masat 2, masat 3 hte masat 9 dap dung ginra hkan hta lahkawng maga hkrum majan ni shani shagu byin nga nna, hpyen masa laja nga ai lam hpe chye lu ai.

Shiga-Htu Seng