Putao Ginra Kaw Na Mare N Kau Hkan Myen Hpyen Dap Hpyen Lahkawn Ai Lam Galaw Nga

Pajau Media

14 November 2025

Jinghpaw mung Putao ginra hta myen hpyen dap gaw mung masha ni hpe rim lahkawn ai lam ni grai galaw nga ai lam ginra masha ni kaw na chye lu ai.

Putao Lung Sha yang, Hkawng Lang Hpu ginra ni hta daju ai Myen hpyen dap hpung ni gaw mare langai hpang langai shang nna ramma ni hte asak naw ram ai La ni hpe rim lahkawn ai lam ni galaw nga ai lam chye lu ai.

Myen hpyen dap hpyen rim lahkawn hkrum ai mung masha n kau gaw 2,3 ya du hkra woi da hkrum ai ni nga ai zawn n kau mung masha ni hpe gaw bat hku nna woi da ai lam nga ai zawn n kau hpe gaw n dat ya ai re lam chye lu ai.

Ya na zawn rim lahkawn ai lam ni law wa ai majaw Putao ginra daju ai hpyen dap shara ni hte ni nawn ai mare kahtawng kaw na ramma ni, asak ram ai n kau la ni gaw tinang shim dum shara ni hkan koi yen hkawm nga ai re hpe chye lu ai.

Putao ginra hta myen hpyen dap gaw shani shagu hpyen n-gun jat shamu shamawt ai lam ni galaw nga ai hta ya na zawn mung masha ni hpe rim lahkawn ai lam ni galaw nga ai majaw ginra masha ni grai myit tsang nga ma ai re hpe chye lu ai.

Shiga- Htu Seng