Putao ginra nga mung Masha Ni May 26 Ya Hpang Jahtum Tawn Nna Koi Yen Ai Lam Galaw Na Hte Seng Nna Shiga Ni Mawng Nga Ai Majaw Mung Masha Ni Myit Tsang Ai Lam

Pajau Media Channel

21th May, 2024

Myen hpyen dap kawn Sumpra Bum ginra tat sum kau ai hpang kaw nna Putao ginra de hpyen n-gun jat shamu shamawt ai lam ni laja lana galaw wa ai re hte Ptuao muklum kata shanu nga ai mung masha ni mung May 26 ya hpang jahtum tawn nna hprawng koi yen na lam shiga ni mawng pru ai majaw mung masha nkau gaw shajin magang wa sai re lam chye lu ai.

N dai shiga mawng taw ai gaw lai wa sai bat kaw na re sai, n kau gaw n-gu malu masha tsi mawan ni loi li lajang la nna myo shinggan de pru hkawm magang nga sai re nga nna ginra masha langai tsun ai re.

“shiga gaw amyu myu na taw ai gaw lai wa sai bat kaw na re sai, n dai bat laman kaw nna gaw Putao muklum hkan na ni gaw ra ai arung arai ni hpe shajin la nna htawt magang nga sai, myen hpyen dap hte ni gahtep ai hkan na mung masha ni grau hprawng yen ma ai, kaja nga yang gara de hprawng ra na re pyi n chye ai, n ta kaw asak kaba sai gumgai dingla hte ma kaji law law mung nga ai re majaw grau myit tsang ra ai”

Putao muklum zing majan hpang wa na re majaw may 26 hpang jahtum tawn nna htawt sit ai lam shiga mawng nga ai re majaw myo shinggan de pru hkawm na matu hkyen lajang nga ma sai re, ya aten Putao ginra kata mung masa shuk shanut ai majaw muklum kata gat kaba ni yawng ngu na daram pat kau ra ai madang byin nga ai re hpe mung chye lu ai.

Putao hkrun lam mayan de lai wa sai march shata kaw nna gasat gala majan laja wa ai kaw nna Myitkyina-Putao hkrun lam pat da ai gaw ya aten du hkra re. Putao ginra de gunrai htaw shalai lam gaw tsep kawp pat mat ai majaw ginra kata gunrai lu sha manu ni ladu lai tsaw lung nga ai re hte gumhpraw lu tim dut ya ai masha taw nga ai madang byin nga ai re hpe mung chye lu ai.

Shiga – Mali HKu