Putao Hkawng Lang Hpu Magwi Za Hkrun Lam Gram Ya Ai Lam N Nga Shi Ai Majaw Mung Masha Ni Yak Hkak Nga Ai Lam

Pajau media

December 9, 2025

Putao Magwi Za Hkawng Lang Hpu lam gaw ginra masha ni a matu hkamja lam, hpaji lam, gunrai htaw ginlen ai hku nna madung jai lang nga ai lam hpe ya aten du hkra n lu gram sharai shi ai majaw ginra masha ni grai yak hkak nga ai re lam chye lu ai.

“ Shawoi shaning nga yang ya aten gaw Shau Gaw dut mari ra ai aten re, dai ning gaw dut mari masha ni mung n lu mari mat sai, Lam n kaja ai majaw nlu htaw shalai sai, lam hten ai grai na sai, Lanam ta kaw na rai sai, seng ang ai Asuya ni mung chye taw ai, mu ai, tim ya du hkra nbyeng ya ai, ginra masha ni grai yak hkak nga ma ai ”nga nna Shau Gaw galaw sha ai mung masha langai tsun ai re.

Dai sha n-ga Putao maga kaw nna gunrai htaw shalai ai lam n nga ai majaw mung masha ni dingyang lu sha nga ai gunrai manu ni manu tsaw nga ai rai nna Ginra kaw na pru ai Shau Gaw hte kaga gunrai hpan ni htaw shalai dut hpaga lam hkring mat ai re.

Ginra masha ni gaw Shau Gaw hkai shadut ai lam hpe madung dinghku kan bau bungli langai hku nna galaw sha ai re hpe mung chye lu ai. Lai wa sai June shata kaw nna hpang nna Bum hka tung kaba ai majaw hkrun lam Mahkrai hten za ai lam, Ga gyi ai lam ni a majaw hkawm sa hkawm wa grai yak hkak ai majaw gunrai htaw ginlen lam ni hkring mat ai gaw ya aten du hkra re.

Shiga- Mali HKu