Putao Hkrun Lam Hpaw Dat Pat Dat Re Majaw Dai Ni Tam Dai Ni Sha Ginra Masha Ni Grai Yak Hkak Nga Ai Lam

Pajau Media

October 30.2025

Myen Hpyen Dap gaw Myitkyina Putao hkawm sa hkrun lam Lamung Zup, Chyinghkrang, Tang Hpare Shagyit hkan lai wa lai sa ni hpe shagyip shagyeng jep joi ai hte hkrun lam hpe hpaw dat pat dat galaw ai majaw Putao hkrun lam dingyang nga ai Mung masha ni grai yak hkak nga ma ai lam ginra masha tsun ai.

" Mani shawng shani hkan gaw Yu wa Lung wa yawng hpe shalai ai mani 29 ya kaw na gaw gara maga de na mung n shalai sai, yak hkak ai Yu Li Hku hku nna dai ni tam dai ni sha re nga ai ni, gunrai mawdaw ni bai n shalai re yang grau yak sai, Putao Lam mayan na Mung masha ni, Mung masha ni yawng grai yak sai" nga nna ginra masha tsun ai.

Ya aten na Mung masa lapran hkawm sa hkawm wa yak ai hta ya na zawn hkrun lam ni bai pat ai majaw Putao hkrun lam mayan shanu nga ai Mung masha ni grai myit ru myit tsang nga ma ai re.

Dai ning gaw shawoi shaning na hta grau yak ai shaning re hte Bum Yi galaw sha ai ni mung Yu jahten ai majaw malu masha grau yak hkak ai hta ya na zawn hkrun lam bai pat ai majaw dai ni tam dai ni sha Mung masha grai yak ai lam chye lu ai.

Putao hkrun lam hpe lai wa sai October 23ya kaw nna Myen hpyen dap kawn pat kau ai hpang 27 ya shani Putao maga na Yu wa ai mawdaw ni hpe shalai ai raitim 29 ya kaw nna lai wa lai sa lahkawng maga n mai taw ai re hpe mung chye lu ai.

Shiga - Pyilan U