Putao Kaw Myen Hpyen Dap Madi Shadaw N-gun Madun Ai Lam

Pajau Media

October 7, 2025

Putao Muklum hta Myen hpyen dap hte P.T.Ts hpe madi shadaw ai ni n-gun madun ai lamang hpe dai ni galaw ai lam chye lu ai.

N-gun madun lamang hta Myen hpyen dap P.T.Ts pawng hpawm hpung ni gaw shimlam la nna Mung masha n kau shang lawm n-gun madun ai re hte " Lang Se Ginra de du nga ai KIA, PDF hpung ni hpe ninghkap ai lam, shawng lam hta nga ai Myu Tsaw ni hkam kaja nga u ga " nga ai laika ni lang nna n-gun madun ai re lam chye lu ai.

Lai wa sai October 4 ya shani hta mung Hkawng Lang Hpu ginra hta Myen hpyen dap hte Rawang P.T.Ts hpe madi shadaw ai Mung masha ni n-gun madun ai re hpe chye lu ai.

Lang Se ginra hpe KIA pawng hpawm hpung ni 2024 December shata hta htim gasat zing madu la lu ai rai nna September 19 ya kaw nna dai ginra de Myen hpyen dap P.T.Ts pawng hpawm hpung ni bai htu shadut htim gasat wa ai re hpe chye lu ai.

Bai Htu shadut htim gasat ai raitim hkra machyi lam law ai majaw bai htingnut mat ai hpang ya na zawn n-gun madun ai lam ni byin pru wa ai re hpe chye lu ai.

Shiga- Htu Seng

Photo credit to Owner