Putao Mawdaw Hkrun Lam Lani Mi Hpaw Nna Bai Pat Mat Ai lam

Pajau Media

November 4, 2025

Myitkyina Putao Mawdaw Lam hpe n htoi 10 ya na ai hpang November praw 1 hta Lung wa Yu wa Mawdaw ni hpe shalai ai hpang bai pat mat ai lam chye lu ai.

Hpyen masa lam amyu myu a majaw lai wa sai October 23 ya shani pat mat ai hpang October 27 ya shani hta gaw Yu wa ai Mawdaw ni hpe shalai ai rai nna November 1 ya shani hta gaw Lung wa Yu wa mawdaw ni hpe lani mi sha bai shalai nna bai pat mat ai re hpe chye lu ai.

" Kru ya shani gaw hpaw ai, Lung wa ai Mawdaw ni hpe shalai ai, hpang shani gaw bai pat mat ai, galoi bai hpaw na kun gaw n chye, Myen makam masham poi တန်ဆောင်တိုင် ngut ai hpang bai hpaw na nga gaw na ai, atsawm gaw n chye shi ai" nga nna Mawdaw La langai tsun ai re.

Ya aten Myitkyina Putao Lam masa a majaw aten gadun laman hten wa mai ai hpan malu masha ni hpe gaw Mawdaw daru kaw mung n hkap la ai lam, aten galu mai ai malu masha ni hpe sha hkap la nna htaw ai lam chye lu ai.

Putao hkrun lam jahkring hkring pat ai majaw Putao ginra hta gunrai manu malu masha manu ni bai rawt wa mai ai majaw Putao ginra masha ni a matu grau grau yak hkak wa na hpe ginra masha ni myit tsang nga ma ai re.

Shiga - Zau