Putao Muklum Kaw Nga Ai P.T.Ts Shagyit Hta Mung Lai Wa Lai Sa Ahkang Masat Da Ai Majaw Mung Masha Ni Yak Hkak Nga Ai Lam

Pajau Media

5 December 2025

Jinghpaw Mung Putao Muklum kaw nga ai P.T.Ts shagyit hta mung masha ni hpe lai wa lai sa ahkang masat da ai majaw hkawmsa hkawmwa yak hkrak nga ai hpe ginra masha ni tsun ai kawn chye lu ai.

Putao - Nawng Mung - Hkawng Lang Hpu lam braw kaw na P.T.Ts shagyit hta shana hkying 9 du hkra sha lai wa lai sa mai ai re majaw ginra masha ni hkawm sa ai hta mayak nga ai hpe ginra masha langai mi tsun ai.

"Lam braw shara kaw shagyit dung na lai wa lai sa ning hkap da ai gaw n kaja ai " ngu ginra masha langai tsun ai.

Maga mi hta rai htaw mawdaw hte masha htaw ai mawdaw ni hpe ahkun hkangse hta nna san jep ai lam ni galaw nga ai hpe chye lu ai.

"Dai shagyit kaw lai wa lai sa galaw ai mawdaw ni kaw na ahkun hkangse ni hta nna masha lawm yang san jep ai ni galaw nga ai "nga nna matut tsun da ai.

Dai P.T.Ts shagyit hpe 2024 ning February shata hta dung hpang ai rai nna Putao hta langai sha nga ai P.T.Ts shagyit re hpe mung chye lu ai.

Shiga-Hpring