Putao Myitkyina Hkrun Lam Hpe Bat Mi Hta Kalang Sha Hpaw ai lam

Pajau Media.

November 12.2025

Putao Myitkyina mawdaw hkrun lam hpe Myen Hpyen Dap kawn bat mi kaw kalang sha hkawm sa ahkang jaw ai re lam mawdaw la ni kaw na chye lu ai.

" bat mi kaw kalang sha gate hpaw ya ai, galoi aten hpaw na ngu hpe n htoi masat ai lam n nga ai, shanhte hpaw ya ai aten hpaw ya ai" nga nna Mawdaw La tsun ai.

Myen hpyen dap kawn galoi aten hpaw na ngu ai hpe n chye ai majaw Mawdaw La ni gaw Lamung Zup hte Tang Hpare shagyit kaw la nga ra ai lam chye lu ai.

Myen hpyen dap kawn lai wa lai sa shagyit ni hpe pat kau ai majaw Putao ginra de gunrai shang ai lam grai yawm wa ai hte jak sau hte kaga gunrai manu ni rawt wa ai lam chye lu ai.

Myen hpyen dap gaw lai wa sai October 23 kaw nna Putao Myitkyina hkrun lam hpe pat kau ai majaw ya na zawn yak mat ai re.

Shiga - Hpring