Ra lata Poi A Matu Shawa Myit Gang Hkaw Tsun Ai Lam Hpe Nhtoi 60 Ya Laman Galaw Mai Ai Lam N Dau Wa Ai Lam

Pajau Media

October 16, 2025

Myen hpyen dap woi awn galaw na Ra lata poi a matu shawa myit gang hkaw tsun ai lam hpe n htoi 60 ya laman mai galaw ai lam n dau wa ai re hpe chye lu ai.

Shawa myit gang hkaw tsun ai lam hpe October 28 ya jahpawt hkying 6 kaw nna December 26 ya shana hkying 12 du hkra galaw mai ai lam, seng ang ai Rap Daw Salang ni hku nna masat da sai Ra lata poi Tara Upade hte hkrak galaw ra na lam tsun da ai re.

Masat shagrin da sai hta makam masham lam hpe Mung masa a matu amyat htuk ai lam n galaw na, Myen hpyen dap zang ayai mat hkra shing n rai shari jahpoi hkaw tsun ai lam, Laika buk dip shapraw ai lam ni n mai galaw ai lam ni lawm ai re.

Dai sha n-ga hkaw tsun na n htoi aten hte hkaw tsun na wa hte seng ai lawng lam gadun ni hpe seng ang ai Ra lata poi Commission de tang madun ai lam ni shawng galaw ra ai re hpe chye lu ai.

Ya aten Ra lata poi jahpan hpe October 10 ya shani shawng ningnan lang n dau da sai rai nna ginra n kau hkan gaw n htoi jat nna n dau da dingyang re hpe chye lu ai.

Myen hpyen dap a Ra lata poi Daw 1 hpe ginra 102 hta December 28 kaw nna hpang nna galaw sa wa na re lam chye lu ai.

Shiga- Htu seng