Ra Lata Poi Commission Kawn Ra Lata Poi Hta Shang Lawm Na Jahpan N Dau Ai Lam

Pajau Media

October 1, 2025

Myen hpyen dap Ra lata poi commission kaw nna Ra lata poi bang na jahpan hpe September 30 ya kaw nna October 14 ya du hkra shawng ningnan lang n dau ai lam galaw ai re hpe chye lu ai.

N htoi 14 ya na hkra seng ang ai mare lawk ni hkan shakap n dau da ai lam rai nna lam amyu myu a majaw n dau shabra ai lam n lu galaw yang seng ang ai Ra lata poi commission rung ginrun ni de wa yu la mai ai lam mung tsun da ai re.

Sindan Pa bang na matu n dau ai jahpan kaw n lawm yang Ra lata poi commission a masat da ai HKrang ပုံစံ ( 3 ) hte maren Mying shalawm bang la mai ai lam, n lawm ging ai masha lawm taw yang mung masat da ai ပုံစံ (၄) hte maren ninghkap mai ai lam, Jahpan hta lawm ai lawng lam ni shut shai taw yang ပုံစံ (၄-ဂ) hte maren bai sharai la mai ai lam n dau da ai re.

Dai sha n-ga bai jat bang ai lam, dawm kau ai lam, bai sharai la ra ai lam ni hpe galaw ngut ai hpang Ra lata poi hta Sindan Pa bang na jahpan hpe du wa na October shata laman hpang jahtum lang hku bai n dau sa wa na re lam mung chye lu ai.

Myen hpyen dap kawn galaw na Ra lata poi daw langai hpe du wa na December 28 ya hta galaw sa wa na rai nna ya aten buga dum nta hpe tawn kau da ai Mung masha ni gaw jau tau Sindan Pa bang ra na hte Ra lata poi hpe mung daw 3 garan nna galaw sa wa na re lam chye lu ai.

Shiga- Htu Seng