Ra Lata Poi Daw (1) Hpe Ginra (102) Hta Galaw Na Lam

Pajau Media

August 21, 2025

Myen Hpyen Dap ra lata poi woi awn Komiti kawn galaw na ra lata poi daw (1) hpe ginra (102) hta galaw sa wa na lam Munghpawm Rap daw Ra Lata Poi Komiti kawn August 20 ya shani n dau wa ai re lam chye lu ai.

Ra lata poi galaw na ginra ni gaw Jinghpaw mungdaw hta ginra (6), Kaya Mung hta ginra (2), Kayin Mung hta ginra (3), Hkang Mung hta ginra (2), Mun Mung daw hta ginra (5), rahkai Mungdaw hta ginra (3) hte Sam mung ginra kata hta gaw ginra (12) hkan galaw sa wa na re lam chye lu ai.

Ndau laika hta Jinghpaw Mung kata hta galaw na ginra ni hta Danai, Hkawng Lang Hpu, Nawng Mung, Putao, Mohnyin hte Myitkyina ginra ni lawm ai lam ndau da ai re.

Dai sha n-ga Sagaing ginwang hta ginra (12), Tanintharyi ginwang hta ginra (4), Bago ginwang hta ginra (, Magwi ginwang hta ginra (9), Mandalay ginwang hta ginra (, Yangon ginwang hta ginra (12), Irrawaddy ginwang hta ginra ( hte Nay pyi Taw ginra hta ginra ( ni hta galaw na re lam mung chye lu ai.

Ra lata poi hpe December (28) ya shani galaw na re hte ra lata poi mung Myen Mungdan ting rawt malan hpung ni zing madu da ai ginra ni hkan mung galaw na re hte ginra (330) hta galaw na re lam chye lu ai. Ra lata poi hpe FPTP, MMP, PR ngu ai ladat masum hte galaw na re lam n dau da ai re hpe mung chye lu ai.

Myen hpyen dap ra lata poi komiti kawn n dau da ai hta ra Lata Sindan Pa law dik FPTP System hte galaw na Mung Hpawm rap daw shingjawng shara gaw (330) rai nna ,FPTP, MMP hte PR system hte galaw na Amyu sha Rap Daw Ra lata poi shara ni gaw yawng rai yang (110) daram hta galaw sa wa na re lam n dau da ai re.

Ya aten Jinghpaw Mung Manmaw, Waimaw, Hpakant hte Mohnyin girna ni hta hpyen masa grai shaja hkat nga ai KIA pawng hpawm hpyen hpung ni mung muklum zing majan matut manoi shang nga ai re hpe mung chye lu ai.

Shiga- Htu Seng