Ra Lata Poi Galaw Lu Na Matu Hpakant Waimaw Maga De Hpyen N-Gun Htu Shadut Nga Ai Lam

Pajau Media

September 19, 2025

Myen hpyen dap gaw Jinghpaw Mung Hpakant hte Waimaw ginra ni hta ra lata poi galaw na matu hpyen n-gun htu shadut nna muklum makau grup yin hkan nbungli bawm gap ai lam, laknak kaba gap shadam ai lam matut manoi galaw nga ai re hpe mung chye lu ai.

Myen hpyen dap gaw Ka-mai kaw nna Hpakant maga de September 16 ya kaw nna Tank mawdaw ( hte hpyen n-gun htu shadut wa ai rai nna ya aten Lawng Hkang mare de du nga sai re hte ngam ai hpyen n-gun hte pawng nna shani shagu htu shadut htim gasat nga ai re hpe mung chye lu ai.

Dai sha n-ga myen hpyen dap kawn Hpakant San Chyoi mare de htim gasat ai hpang laknak kaba gap ai lam, Lung Seng bungli shara ni hkan wan nat jahten ai lam ni matut manoi galaw nga ai re hpe mung chye lu ai. Maga mi de mung Waimaw Lamyang maga de nbungli bawm jahkrat ai lam, lagaw lam htu shadut ai hte laknak kaba gap ai lam ni mung matut galaw nga ai re.

 Myen hpyen dap kawn ya aten tat sum kau sai ginra ni hpe bai htim gasat la nna lapran kaw ra lata poi galaw lu hkra ngu ai masing hte grai shakut nga ai re. Dai lapran kaw galaw na ra lapta poi hta ကြံ့ခိုင်ရေးပါတီ ni shang shingjawng ai lam galaw sa wa na re lam mung chye lu ai.

Shiga – Hpring