Ra Lata Poi Galaw Ngut Ai Hpang Mungdan Ahkang Aya Hpe Bai Galai Ap Ya Na Re Lam Myen Hpyen Dap Ningbaw Tsun Ai Lam

Pajau Media

September 26, 2025

Du wa na December kaw nna galaw na ra lata poi ngut ai hpang Myen Hpyen Dap Ningbaw Min Awng Hlaing kawn mungdan ahkang aya hpe bai galai ap ya na re lam September 25 ya shana daw Russia mungdan hte hkrum zup ai aten tsun ai chye lu ai.

Myen hpyen dap Ningbaw Min Awng Hlaing gaw ra lata poi aten hta Mungkan mungdan sawk sagawn hpung ni hpe saw shaga na re hte Myen mungdan kaw wang lu wang hte tara rap ra ai Party Democracy ra lata poi ngut ai hpang Mungdan ahkang aya lit hpe bai galai ap ya na re lam tsun lai wa sai re.

Myen hpyen dap galaw na hkyen nga ai ra lata poi hta ကြံ့ခိုင်ရေးပါတီ Hpung Shang Salang 1,000 mi jan shang shingjawng na re lam Myen hpyen dap ra lata poi commission kawn ndau da ai re.

December 28 ya hta galaw na ra lata poi hta gaw tara n shang ai ra lata poi re nga nna NUG asuya hte Rawt malan hpung ni tsun n dau da ai re hpe chye lu ai.

Shiga- Hpring