Ra Lata Poi Hta Sindan Pa Bang Ai N Bang Ai Gaw Mung Shawa A Myit Re Lam Myen Hpyen Dap Ningbaw Tsun Ai Lam

Pajau Media

November 24, 2025

Du wa na December shata kaw galaw na Ra Lata Poi hta Sindan Pa bang ai n bang ai gaw Mung shawa a myit re lam Myen Hpyen Dap Ningbaw tsun da ai re.

November 23 ya shani galaw ai Ayerwaddy Mungdaw, Ma U Pin Muklum Hkai Rem Dakkasu hpaw hpawng lamang hta tsun wa ai re hpe chye lu ai. Mung shawa yawng Sindan Pa bang lu hkra lam mahkrun hpaw da ya ai kata kaw Sindan Pa bang ai n bang ai ngu gaw Mung shawa a myit ra lam langai sha re lam tsun ai re.

" Dai hku mi tsun da tim a tik a nang galaw shangun ai lam, jahkrit shama ai lam ni, Sindan Pa n bang yang rim ai lam ni galaw wa mai ai. n lu tsun ai le,Shanhte gaw Tsun ai hte maren mi n galaw gaw" nga nna Mung masha langai tsun ai.

Myen hpyen dap galaw na Ra Lata Poi Numdaw langai hpe December 28 hta galaw na rai nna ginra 102 hta galaw sa wa na re lam, Jinghpaw Mung hta gaw Myitkyina, Danai, Hkawng Lang Hpu, Nawng Mung, Putao, Mohnyin ginra ni lawm ai lam chye lu ai.

Ra lata poi hpe NUG Asuya hte Rawt malan hpung ni gaw n tara ai ra lata poi re nga nna tsun dinglun nga ma ai re.

Shiga - Zau