Ra Lata Poi Upadi Hte Rim Hkrum Ai Masha Marai 300 Jan Wa Sai Lam

Pajau Media

January 7, 2026

Myen mungdan kata Myen Hpyen Dap shagrin da ai ra lata poi hte seng ai Upadi hpe jahte tam ai ngu rim hkrum ai masha marai 335 du hkra nga sai lam Myen Hpyen Dap n dau da ai kaw na chye lu ai.

January 6 ya hta galaw ai Myen Hpyen Dap a ra lata poi aten ladaw shim lam hte seng ai zuphpawng hta Mung Dinghku Ningtau Hkringmang Tun Tun Naung tsun ai kaw na chye lu ai.

January 5 ya shani du hkra rim hkrum ai masha marai 335 nga ai hte dai kaw amyu shadang 275 , amyu shayi 60 re lam chye lu ai.

Myen Hpyen Dap shagrin da sai ra lata poi upade gaw 2025 July 30 ya shani ndau wa ai rai nna naw grin nga ai upadi hku rai yang yawm htum htawng dam 3 ning hte tsaw dik htawng dam si ari du hkra jahkrat mai ai lam chye lu ai.

Ya aten naw ngam nga ai ra lata daw 2, hpe 2026 ning January 11 ya shani galaw na hte daw 3 hpe gaw January 25 ya shani galaw sa wa na re.

Shiga - Hpring