Rawt Malan Ai 4 Ning Laman Myen Hpyen Dap A Nbungli 20 Daram Hpe Gap Jahkrat Kau Lu Ai Lam NUG N Dau

Pajau Media

September 9, 2025

Myen hpyen dap uphkang ai 4 ning laman myen hpyen dap a nbungli 10 daram hte Helicopter 10 hpe rawt malan hpung ni maga kaw nna gap jahkrat kau lu ai lam NUG asuya n dau da ai re hpe chye lu ai.

Jinghpaw Mung kaw mung lai wa sai 2021 May 3 ya shani hta Mung Mi-35p Helicopter (6815) hpe N-mawk ginra hta gap jahkrat kau sai rai nna 2024 shaning hta mung Mi-17 Helicopter hpe Waimaw ginra hta gap jahkrat kau lu ai re.

Dai sha n-ga 2025 May 20 ya shani hta mung Mi-17 Helocopter hpe Shwegu ginra kata kaw gap jahkrat ai rai nna May 21 ya shani langai bai gap kau lu ai lam chye lu ai.

Dai zawn sha n- ga Jinghpaw Mung sha n-ga rawt malan hpung ni nga ai ginra shara shagu hta mung myen hpyen dap a nbungli ni hpe gap jahkrat kau lu ai re lam chye lu ai.

Jinghpaw Mung kata hta gaw ya aten Rawt Malan Hpung ni hte Myen hpyen dap lapran gasat gala majan laja nga ai re hte laknak kaba nbungli bawm ni hkrup mara gap shadam ai lam matut manoi galaw nga ai re hpe mung chye lu ai.

Shiga - Htu seng

Photo credit to Owner