Rawt Malan Hpung Ni Shara La Da Ai Girna De Hpyen Shamu Shamawt Lam Dingyang Galaw Nga Ai Lam

Pajau Media

November 27, 2025

Jinghpaw Mung Hpakant ginra de Rawt Malan hpung ni shara la da ai shara ni hkan Myen hpyen dap hpyen n-gun htu shadut matut manoi galaw nga ai lam ginra masha ni tsun ai kaw na chye lu ai.

Myen hpyen dap gaw KIA pawng hpawm hpung ni shara la da ai Sharaw Hka, Nyawng Pin Kung gate hte Marau Mare maga de hpyen n-gun htu shadut nna Drone Bawm ni wa jahkrat gasat ai majaw Kade Maw kaw Laknak kaba wa hkrat kapaw ai lam chye lu ai.

“ Ya gaw KIA ni shara la da ai maga de madung hpyen shamu nga ai. Drone, Laknak kaba ni matut manoi gap nga ai re” nga nna ginra masha tsun ai kaw na chye lu ai.

Lai wa sai November 25 ya hta mung Hpakant maga de hpyen n-gun bai htu shadut wa ai hpang Nawku Jawng, Hpung Gyi Jawng hte Hpaji Jawng ni hkan shara jahkrat nga ai re hpe chye lu ai. Dai hpang kaw nna Myen hpyen dap htu shadut wa ai majaw gasat gala majan byin ai re hpe chye lu ai.

Myen hpyen dap Hpakant ginra kata Ra lata poi galaw lu na matu tat sum kau ai shara ni hpe bai lu la hkra Lagaw lam, Ntsa lam hku na matut manoi htim gasat nga ai re hpe chye lu ai.

Shiga- Hpring