Sagaing Hte Jinghpaw Mung Jarit Shara Indaw Ginra Na Mung Shawa Ni Hpe Ahkyak Ai Rai Ni Tau Hkrau Hkyen Lajang Da Na Matu Rawt Malan Hpung Kawn Sadi Jaw Ai Lam

Pajau Media

April 22, 2026

Jinghpaw Mung hte Sagaing ginra jarit shara na rawt malam hpung ni zing madu da ai indaw ginra hpe hpyen dap kawn hpyen htu shadut gasat wa chye ai majaw mung shawa ni a ahkyak ai rai ni hte tsi mawan ni hkyen lajang da na madu Indaw Revolution ( IR) hpung kawn sadi jaw ndau da ai re.

Myen Hpyen Dap gaw lai wa sai April 19 ya shani hta Kata muklum hta hpyen htu shadut shang wa ai hpang Indaw ginra maga de ma hpyen htu shadut lung wa chye hpe mung masa maram ai ni tsun nga ai re.

Myen Hpyen Dap gaw lai wa sai March shata hpang jahtum na bat kaw na Sagaing hte Jinghpaw jarit shara hkan muklum zing majan hpang wa ai hta Kata ginra na lawk shara nkau hte mare law malawng hpe bai up hkang lu sai lam chye lu ai.

Myen hpyen dap ni gaw shanhte tat kau hkrup ai Sagaing hte Jinghpaw mung shara ni hpe bai lu up hkang na matu hpyen htu shadut shamu shamawt nga ai hpe chye lu ai.

Shiga-Hpring