Sagaing-Jinghpaw Mung Jarit De Na Kata Muklum Hta Majan Laja Nga Ding Yang

Pajau Media

23 March 2026

Jinghpaw Mung hte Sagaing jarit hta nga ai Kata muklum hta Myen Hpyen Dap hte rawt malam hpung ni majan laja lana byin nga ai hpe hpyen masa shiga kawn chye lu ai.

Lai wa sai March 19 ya kaw na dai ni du hkra Kata kaw dap dung da ai Hk.M.Y (309) dap makau hte Taphan Kai mare makau hkan majan laja nga ai hpe chye lu ai.

Majan laman myen hpyen dap ni gaw lagaw lam htu shadut gasat nga ai sha n-ga nbungli hte mung matut manoi gasat wa ai majaw ginra masha ni gaw sim ai shara hkan koi yen nga ai hpe chye lu ai.

Ya ten Hk.L.Y (309) dap makau shara hta majan matut manoi byin nga nna myen hpyen dap kawn nbungli hte gasat ai majaw lai wa sai March 20 ya jahpawt daw hta Kata muklum kaw nga ai htap mali hpunggyi jawng hte mung masha 20 jan hkra hkala si sum wa ai re.

Shiga-Hpring