Sam Amyu Sha Hte Jinghpaw Amyu Sha Ni Rau Pra Ai Hta Yak Hkak Ai Masa Hpe Lahkawng Maga Man Hkrum Bawngban Ai Lam

Pajau Media

August 14, 2025

In daw Gyi ginra hta Jinghpaw amyu sha marai (14) hpe SNA hpung ni sat kau ai manghkang hpang Sam hte Jinghpaw amyu sha rau n mai nga hkra manghkang amyu myu pru wa ai hpe amyu sha manghkang byin na hpe tsang ai majaw lahkawng maga man hkrum bawngban ai lam hpe galaw la lu sai lam Jinghpaw amyu sha Htunghkying hte Laili Laika Hpung ginjaw JHG a Facebook laika man hta n dau da ai .

Man hkrum bawngban ai lam hpe August 11 ya shani Myitkyina Muklum hta galaw ai rai nna JHG ningbaw, Amu Madu, PCPG, WMR kaw na lit nga ai salang ni, လူမှုရေးဝန်ကြီး hte Sam Hkyeng maga na amyu sha htunghkying hte seng ai myit su Salang ni sa du bawngban ai re hpe mung chye lu ai.

Dai bawng ban hpawng hta ya aten byin nga ai Indaw Gyi ginra Nam Mun muklum, Mai Naw, Ma Mung Kai mare ni hta SNA hpung ni kawn Jinghpaw amyu sha ni hpe mara kata sat ai mabyin ni hte seng nna mung bawngban ai re.

Dai sha n-ga Jinghpaw Mung kata rau nga pra sa wa na Sam amyu sha ni hte Jinghpaw amyu sha Mung masha ni lapran hkrum katut nga ai man hkrum madup, mayak ni hpe bawngban ai sai re hpe mung chye lu ai.

Sam Hpyeng hpung ni gaw July 15 ya kaw nna Nam Mun Muklum hte Mai Nawng hte Ma Mung Kai ginra ni hpe htim gasat zing madu da lu ai hpang Jinghpaw amyu sha mat mat hkra ginra kata Jinghpaw amyu sha ni n mai nga hkra lam amyu myu hku nna dip up zingri sat ai lam ni galaw nga ai lam ginra masha ni kaw na chye lu ai.

Shiga – Htu Seng