Sam Pai Mare Nbungli Bawm Hkrup Mara Gap Hkrum

Pajau Media

4th March,2026.

Waimaw, Ga Ra Yang ninghtawn Sam Pai mare kaw Gum shem Myen hpyen dap ni kawn nbungli hte bawm hkrup mara gap shadam ai lam galaw ai hpe chye lu ai.

March shata praw 2 ya shana, Ga Ra Yang ninghtawn Sam Pai mare hta Gumshem Myen Hpyen Dap kawn nbungli hte bawm 4 lang gap gasat ai rai nna, mungshawa dum nta ni hkra hten za mat ai lam chye lu ai.

Nbungli bawm gaw Sam Pai mare na hpungtau Nhtum Zau Awng dum nta hta 2 lang hte Lai Law mahkrai pawt hta 2 lang wa hkrat kapaw ai re lam, dinghku arung arai nkau hten za hkrum ai raitim mungshara hkra hkala ai lam gaw nnga ai re hpe chye lu ai.

Sam Pai mare gaw ya aten, hpyen koi yen mungshawa ni buga gaw gap masing hte bai nhtang wa nga taw sai hta, Gumshem Myen Hpyen Dap gaw majan byin ai lam nnga nbungli bawm gap gasat ai lam hpe ginra masha ni kawn a chye lu ai.

Shiga – Htu Seng