Sau Manu Rawt Ai Majaw Putao-Nawng Mun Ginra Masha Ni Yi Hkauna Galaw Na Matu Tsang Nga Ai Lam

Pajau Media

31 March 2026

Sau manu rawt nga ai majaw Putao Nawng Mun ginra na yi sun hkauna galaw ai ginra masha ni mayak hkrum ai hpe chye lu ai.

March shata praw hkan kaw na sau bu mi hta 12000ks hte 15000ks du hkra rawt mat ai majaw ginra masha ni yi sun hkauna galaw na ten du wa tim myit tsang nga ai hpe tsun ai.

Dai majaw ginra masha ni gaw yi sun hkauna galaw na ten du sai rai tim sau manu laja nga ai majaw sau ni ndang mari shi nna mayak hkrum nga nna maga mi hta mung sau sha n-ga Myitkyina Putao mawdaw shabrai mung sen 5 du hkra du mat na ginra kata rai htaw manu ni mung laja nga ai hpe chye lu ai.

Dai hta n-ga sau manu rawt wa ai hpang Putao Nawng Mun lapran rai htaw manu mung laja wa nna rai htaw manu sha n-ga ginra kata rai manu ni mung mi na hta grau laja mat ai.

Nawng Mun ginra masha ni gaw sau hte lu sha rai hpe Putao maga de na madung htaw shang ra nna ya na zawn mawdaw shabrai hte rai htaw manu rawt taw ten Putao hta na gunrai manu ni grau laja mat re.

Jinghpaw mung hta Putao, Myitkyina muklum hta laga ginra hta mung sau manu ni matut manoi rawt nga nna laga ginra hkan mung dingren nna mari ra taw ai masa re hpe chye lu ai.

Shiga-Htu Seng