Sau Mayak Nga Wa Ai Majaw Sau Manu Kalang Bai Rawt Wa Ai Lam

Pajau Media

23 March 2026

American, Israel hte Iran a majan aten na wa ai hte hpawn sau mayak nga wa nna Jinghpaw mung Myitkyina muklum hta mung ndai laman sau manu ni kalang bai rawt wa ai hpe chye lu ai.

Myitkyina muklum hta yahte na bat du hkra sau liter mi hta 9500ks kaw na ndai laman 11500ks du hkra kalang rawt wa nna ya ten mungdan kata hta mung sau manu rawt nga ding yang rai nga ai.

Myitkyina muklum hta ndai laman sau nlu ai lam gaw nnga ai rai tim manu ni gaw mi na hta 2000ks ram du hkra rawt mat ai nga ginra masha ni tsun ai re.

Myen asuya mung sau mang hkang hpe tau hkrau makawp maga na matu ladat amyu myu hku nna ladat shaw nga ai hpe chye lu ai. Gup/tai nambat masat nna mawdaw jai lang ai hku na sau shayawm lang ai lam hte asuya rung hkan bungli galaw ai ni hpe bat masum ya shagu tinang nta kaw nga na bungli galaw na hpe ndau dat ai lam ni rai nga ai.

Dai rai nna nbungli sau mayak nga wa ai majaw mungdan kata nbungli hkrun lam nkau hpe dawn ai lam, gumhpraw bai nhtang jaw ai ni galaw wa ai lam mung nga ai re.

 Hkrum lam hkawm mawdaw nkau ni mung sau mayak a majaw hkrum lam nkau dawm jahkring kau ai ni nga wa yang gumhpraw bai nhtang jaw na hpe mawdaw lekmat dut ai ni tau hkrau sadi jaw da ai hpe mung chye lu ai.

Mungdan kata na nbungli hkrum lam mung dawm ai lam matut na nbyin na matu tinang la sa na arai ni hpe law htum 10 kg du hkra sha ahkang jaw da ai hpe mung chye lu.

Shiga - Zau