September Shata Laman Amyu Shayi Marai (47) Asak Si Sum Nna Marai (57) Hkala Hkrum Ai Lam

Pajau Media

October 13, 2025

Myenhpyen dap Nbungli bawm hte gasat gala majan a majaw September shata laman amyu shayi marai (47) asak si sum ai lam Myen Mung amyu shayi hpung BWU kawn ndau da ai re.

Myen hpyen dap gaw 2021 Feb praw 1 kaw nna 5 ning laman Hpyen tara tawt lai nna Mung masha a ntsa dip up nga ai lam, shinggyim ahkaw ahkang tawt lai ai lam ni ladu lai galaw nga ai re. Dai hta asak si sum ai hte rau marai (57) hkala hkrum ai lam tsun da ai re.

Amyu shayi asak si sum ai hte hkala hkrum ai gaw Nbungli hku htim gasat ai majaw marai (36), hkala ningma lu ai gaw marai (32), Laknak kaba a majaw asak si sum ai marai (5), Hkala ningma lu ai masha marai (9), sat hkrum ai majaw marai (4), Pala hkra nna asak si sum ai marai (1), hkam bawm a majaw asak si sum ai (1) hte hkala ningma lu ai (1), Mung masa hte gindun nna mazut roi rip hkrum ai majaw asak si sum ai marai (1) hkala hkrum ai marai (15) nga ai lam chye lu ai.

Asak si sum ai majaw amyu shayi marai (47) kaw na marai (3) gaw asak (18) ning n pu re ai ni rai nna, asak si sum mat ai amyu shayi ni hta Ma hkum kanu (1) mung lawm ai lam chye lu ai. Lai wa sai August shata hta mung amyu shayi asak si sum ai masha marai (73) nga ai hte hkala hkrum ai masha marai (80) nga ai lam mung chye lu ai.

Shiga- Htu seng