September Shata Laman Mung Masha 19 Asak Si Sum Nna Marai 18 Hkala Ai Lam

Pajau Media

October 2, 2025

Jinghpaw Mung kata Myen hpyen dap a Nbungli bawm Drone bawm a majaw September shata laman Ma marai 6 hte yawm htum masha marai 19 asak si sum nna marai 18 hkala hkrum ai lam Kachin Human Rights Watch-KHRW kawn n dau da ai.

September shata laman Waimaw, Saw Law, Hpakant ginra ni hta Jet Fighter, Drone bawm ni, Laknak kaba ni hte Mung masha hpe gap bun nga ai re hpe chye lu ai.

Mungkan Wuhpung Wuhpawng ni hku nna mung Myen hpyen dap a Nbungli bawm gap gasat ai lam hpe ninghkap jahkring na matu tsun shadut ai lam galaw shangun mayu ai lam hte Myen hpyen dap hpe Nbungli sau, Laknak hte hpyen a rung arai ni n mai mari hkra Mungkan kawn hkum pat ai lam galaw ra ai lam tsun madi madun da ai re.

Asak si sum ai ni, hkala hkrum ai ni a matu hkyak hkyak garum shingtau ai lam, Ma ni a matu shimlum ai makau grup yin gaw gap ya ai lam, Nbungli hpyen du wa yang jau tau kaw nna shadum ya ai system ni gaw gap ya ai lam, shimlum ai makau grup yin de koi yen lu hkra lajang ya ai lam, Hpyen yen law wa sai hte maren mungkan garum ningtum lam ni grai ra kadawn nga ai lam tsun da ai re.

Shiga - Htu seng

Photo credit to KHRW