Shadau Mare Lawk (1) Kaw Na Asak (4) Ning Re Ai Ma Mat Taw Ai Bat Mi Daram Rai Wa Tim N Mu Shi Ai Lam

Pajau Media

July 24, 2025

Myitkyina Shadau Mare lawk (1) kaw nna asak (4) ning re ai Ma Alice Ja Seng Noi gaw July (19) ya shani dum nta kaw na nan asak (30) jan ning daram re ai La lahkawng kawn woi mat ai kaw nna dai ni aten du hkra n lu sagawn la mat ai majaw dum nta masha ni myit ru myit tsang nna matut manoi sagawn nga dingyang re lam chye lu ai.

Ma Alice Ja Seng Noi gaw Kawoi dwi hte sha nga taw ai aten Asak (30) ning jan re ai Jinghpaw la hte Myen la yan gaw Alice Ja Seng Noi a Kawa na manang ni re, Ma hpe Ah Wa grai hkrum mayu ai majaw wa jahkrum ya ai re lam, shan lahkawng gaw Alice Ja Seng Noi a Kawa na manang ni re nga nna dum nta de wa du jahta ai re lam chye lu ai.

 Dai hpang Ma hpe muk mari sha woi na nga dum nta kaw nna Cycle ma jawn rai nna woi mat ai kaw nna dai ni du hkra tam sagawn n mu mat ai gaw bat mi hkawt du wa sai re nga nna dum nta masha ni tsun shana wa ai re. Alice Ja seng Noi gaw kadwi hte sha nga ai re.

Myitkyina ginra kata Ma kaji mat ai manghkang ni byin law wa ai hte Ma kaji ni hpe kanu kawa n mu ai kaw shanhte hpe hkrai dat da ai lam ni n mai galaw ai. Ya na zawn Mung masa shuk shanut wa ai masa hta Ma dut sha manghkang ni mung bai law wa ai majaw grai sadi maja ra ai sai lam ginra masha ni tsun nga ma ai re.

Ya aten naw mat nga ai Alice Ja Seng Noi hpe dum nta masha Jinghku Jingyu ni hkan tam nga dingyang re hte mu hkrup ai rai yang Phone -0933052031 kaw nna matut mahkai na matu n dau da ai re hpe mung chye lu ai.

Shiga- Pyilan U