Shanglawt Uphkang Ginra Kata October Shata Laman Ka-ni Lu Sha Dut Hpaga Galaw Masha Marai 28 Lu Rim Ai Lam

Pajau Media

November 11.2025

Ginjaw PJS Komiti a matsun hte maren Shanglawt Uphkang Ginra kata PJS bungli hpe matut manoi shang nga ai hta October shata laman Ka-ni Lu sha dut hpaga galaw ai masha marai 28 hpe Ka-ni arung arai ni hte hpawn lu rim ai lam chye lu ai.

Sinna Ginwang ginjaw kata PJS bungli shang shamu ai hta Nyawng Taw, Danai Mung Ting Lawk, Labu Hka Ja Maw Ginra hkan Ka-ni hpe Hpaga langai hku galaw nna shara shagu de dut shabra nga ai Ka-ni Hpaga La marai 5 hpe lu rim ai lam chye lu ai.

Dai Ka-ni Hpaga La ni kaw na Yama Tawng 389, ka-ni Hpraw Bu 9, No.4, Ka-ni Lu sha ai kaw jai lang ai rung rai, Gumhpraw ni hte hpawn lu rim nna seng ang ai de ap kau sai re hpe chye lu ai.

Hpakant Ginra Uru Ginwang kata hta mung PJS bungli shang ai hta Ka-ni Lu sha masha marai 14, dut hpaga galaw ai masha marai 9 ni hpe lu rim ai lam, lu rim ai hta Yama Tawng 4918, Yama htuk 17 ni hte Kani Chyang, Ka-ni hpraw Pipe kaji 5, Pipe kaba 8 hte rau Phone, Cycle, Gumhpraw ni lu rim ai lam chye lu ai.

KIO Asuya kawn Ka-ni Nang Hpam gaw amyu sha yawng a Hpyen madung hku masat nna pat ja san ai lam, rim ahkyak la ai lam ni matut manoi galaw nga ai re hte October shata laman marai 28 rim ahkyak la lu sai re.

Shiga- Pyilan U