Shanglawt Uphkang Ginra Katsu Mare Kaw Ma NI A Hpaji Lam A Matu Hpaji Jawng Ra Ahkyak Nga Ai Lam

Pajau Media

August 23.2025

Myitkyina-Manmaw lam mayan hpe lai wa sai 2024 March 7 kawn KIA pawng hpawm ni a htu shadut majan hpang dai lam mayan yawng hpe KIA pawng hpawm ni zing la nna Shanglawt Uphkang Ginra tai sai raitim ya aten ma ni a hpaji lam a matu hpaji jawng n lu mayak naw hkrum nga ai re hpe chye lu ai.

Shanglawt Uphkang ginra rai sai majaw lai wa sai 2011 majan ten hprawng yen mat ai mung masha ni gaw buga de bai nga magang sai raitim hkamja lam, hpaji lam ni a matu grai naw yak hkak nga ma ai re hpe mung chye lu ai.

Hpaji jawng hpe lawu tsang madang du hkra hpaw sharin nga ai raitim jawng gawk n lu ai majaw mare de rai nwa nga shi ai mungshawa ni a dum nta hkan, jawngma ni hpe byin mai ai hku jawng laika sharin nga ai lam, dai sha n -ga sharin sara, num ni mung grai ra ahkyak nga ai lam chye lu ai.

Ya aten KIA pawng hpawm hpung ni zing madu da ai shara hkan mung masha a matu ningpawt ninghpang ra ahkyak dik ai lam ni rai nga ai hpaji lam, hkam ja lam, myi hprap wan ni hpe lit nga ai asuya kawn atsam dat galaw ya na hpe mung masha ni ra sharawng nga ma ai re.

 Hpyen yen mung masha n kau gaw tinang ginra buga de wa nga mayu tim jawng lung na ma law ai ni hte gumgai dingla lu ai ni gaw hkam ja lam hpaji lam hpe myit tsang nga ai sha n-ga aten n tam Myen Hpyen Dap n bungli bawm jahkrat ai lam ni galaw wa na hpe myit tsang ai majaw n gwi wa shi ai ni mung law nga ai re hpe mung chye lu ai.

Shiga- Pyilan U