Shani Shagu Byin Nga Ai Gasat Gala Majan Lapran Hpyen Yen Mung Masha Ni Grau Grau Yak Hkak Wa Ai Lam

Pajau Media

October 10, 2025

Waimaw ginra gasat gala majan gaw grau laja nga nna matut manoi byin nga ai majaw hpyen koi yen ladaw galu wa ai hta N-gu malu masha hte kaga malu masha garum ningtum lam ni yawm wa nna hpyen koi yen Mung masha ni grau grau yak hkak wa ai lam chye lu ai

Hpyen yen ni hpe World Food Program-WFP kaw nna dingyang garum jaw ai lam shayawm kau ai hta sawng dik gaw Nta htinggaw shayawm kau ai lam rai nna tsep kawp n lu ai nta ni law wa ai majaw grai yak hkak nga ma ai re.

Lai wa sai shaning ni hta WFP hte KBC garum hpung ni kaw nna lit la garum nga ai raitim ya aten htaw wa htaw sa lam ni hpe Myen hpyen dap kawn ja ja hkap jahkring jep joi ai lam, rim ahkyak la ai lam ni galaw nga ai majaw Hpyen koi yen Mung masha ni a matu garum ningtum yak hkak wa ai hte yawm wa ai re lam chye lu ai.

Jinghpaw Mung kata lai wa sai 2024 March shata kaw nna kalang bai byin wa ai majan a majaw hpyen koi yen Mung masha ni gaw grau grau law jat wa ai rai nna hpyen koi yen ni a matu garum ningtum hte malu masha lu sha na matu grau yak wa ai.

Ya aten Hpakant ginra kata lahkawng maga hpyen masa shaja hkat nga ai hte Myen hpyen dap kawn shani shagu Nbungli bawm jahkrat bun ai majaw Myitkyina sha n-ga Mohnyin, Mogawng ginra hkan matut manoi hpyen koi yen nga ai re lam chye lu ai.

Shiga- Htu Seng