Shata (5) Laman Nanghpam Lu Sha Mara Amu Tawt Lai Ai Masha Marai (122) Hte Hpawn Gumhpraw Wan (145) Jan Hpe Lu Rim Ai Lam Jinghpaw Mung Hkring Mang Daju Tsun Ai Lam

Pajau Media

June 27.2025

Jinghpaw mung kata 2025 shaning n nan kaw na May shata du hkra shata (5) laman Nanghpam lu sha hte gindun ai masha (122) hte hpawn gumhpraw Wan (145) hpe lu rim ai lam Jinghpaw mung hkringmang daju Hkyet Hting Nan kawn June 26 ya shani Ang ai Mungkan Ka- ni nanghpam Pat jasan masat n htoi lamang hta tsun wa ai re hpe chye lu ai.

(38) lang na Mungkan Ka-ni nanghpam Pat jasan masat n htoi lamang hta rim la lu sai nanghpam amu hte gindun ai amu (181) hte guhpraw wan (2952. manu hpe Mandalay ginra Balik hpung de galai ap ya ai lam Jinghpaw mung hkring mang daju tsun ai re.

Jinghpaw Mung kata Ginra asuya lit nga ai ni kawn mung Nanghpam Pat Jasan ai lam ni hpe ninggam shatsaw galaw nga ai raitim Nanghpam lu sha manghkang gaw grau grau sawng nga ai re lam mung tsun da ai re.

Jinghpaw mung kata Lai wa sai 2024 ning laman Nanghpam lu sha hte gindun ai amu pawng (288), gumhpraw hku rai yang Wan (5,227.3793) hte bawng masha marai (407) hpe lu rim ai lam nga lai wa sai re hpe mung chye lu ai.

Shiga- Hpring