Shata Lahkawng Laman Jinghpaw Mung Hta Masha Marai 30 Asak Si Sum Ai Hte Marai (42) Rim Hkrum Ai Lam

Pajau Media

May 4, 2026

Jinghpaw Mung hta shata lahkawng laman asak si sum yawm htum marai (30) rai nna, hkra hkala ai gaw marai (2) , rim hkrum ai gaw marai (42) nga ai hpe (Kachin Human Rights Watch – KHRW) na shata shagu report kawn chye lu ai.

Myen hpyen dap a nbungli gasat ai ni, laknak kaba gap ai ni, rim la ai ni hte mying nchye laknak lang hpung ni a gasat ai majaw mung shawa ni hkra hkala asak si sum wa ai hpe tang madun da ai re.

Asak si sum ai lam hta Hpakant ginra hta marai (15) hte asak si sum law htum shara rai nna, Hpakant ginra hta marai (12), Monyin hta marai (2), Myitkyina ginra hta marai (1) asak si sum ai hpe chye lu ai.

Myen hpyen dap gaw Myitkyina hte Hpakant ginra hkan hta mung shawa ni hpe n tara rim la ai ni galaw nga nna April praw (1) shani Myitkyina muklum hta masha marai (7) hpe rim woi mat nna, Hpakant hta tsi sarawun mung lawm nna mung shawa marai 34 hpe rim woi mat ai hta shata lahkawng laman marai (42) rim hkrum wa ai re.

March (13) ya shani hta mung Manmaw muklum makau hta hpyen dap kawn nbungli hte gasat wa ai majaw masha marai (12) asak si sum wa nna, March (16) ya shani Hpakant Maw Si Sa mare hta mying nchye laknak lang hpung ni a gap gasat ai majaw marai (1), April (23) ya shani hte (14) ya shani hkan hta Hpakant ginra kaw na ramma marai ( asak sat hkrum wa ai.

Shiga-Zau