Shata Masum Daram Pat Mat Ai Hpakant Ka Mai Lam Bai Hpaw Sai Lam

Pajau Media

August 4, 2025

Hpyen masa a majaw shata 3 daram pat mat ai Hpakant Ka -Mai lam hpe bai hpaw sai lam chye lu ai.

Hpakant pru shang lam ni hpe pat da hkrum ai majaw Hpakant Ginra kata gunrai manu ni grai tsaw mat ai hte nam law nam lap dut sha hpaga galaw ai masha ni yak hkak nga ma ai re hpe chye lu ai.

Nam Ya Ginra masha langai tsun ai hta "Mawdaw ni mare de shang wa ai hpe mu na mare masha ni grai pyaw, mawdaw hte gunrai ni yawng rai yang 20 jan daram du shang wa sai" nga nna tsun ai.

Ya na zawn Hpakant ginra hta gunrai mawdaw ni du shang wa ai majaw Yang Yi, Shan Nga manu ni mung shawoi na zawn rai manu yawm wa na hpe myit mada nga ma ai re hpe Chye lu ai.

Hpyen masa a majaw shata masum daram pat mat ai Hpakant Ka Mai lam hpe August praw 2 kaw nna bai hpaw ya sai re hte gunrai mawdaw ni gaw praw 3 ya kaw nna shang hpang sai re hpe chye lu ai.

Shiga. ND