Shata Masum Laman Myen Mungdan Ting Hta La Sha Marai 100 Jan Asak Si Sum Ai Lam

Pajau Media

April 10, 2026

2026 January shata praw 1 kaw na March shata 31 ya du hkra shata masum laman mungdan ting hta la sha marai (156) asak si sum wa sai hpe Assistance Association for Political Prisoners (AAPP) na ndau laika kawn chye lu ai.

Dai asak si sum ai masha hta asak (18) ning la-wu ma marai (34) lawm nga nna, sisum ai masha yawng a amying jahpan hte rau tup hkrak chye lu ai re.

Sagaing ginra hta marai (40) hte asak si sum ai law htum shara rai nna, Bago mung hta marai (31) hte nambat lahkawng law htum shara re ai hpe chye lu ai.

Dai marai (156) hta na marai (111) gaw hpyen dap a nbungli gap gasat ai majaw asak sisum wa nna, marai (123) na mying jahpan hpe gaw tup hkrak chye lu na matu naw sagawn nga ai hpe chye lu ai.

March shata 26 ya shana daw hkying 2 jan laman hta Mandalay Nyaukon mare hpe gumshem hpyen dap kawn hpyen dap Paramotor hte bawm gasat wa ai majaw, U Kyi Mg hte mying sagawn nga ding yang re ai mung masha marai (3) lawm nna marai (4) bawm hkala nna asak sisum wa ai re.

Shiga-Zau