Shata Mi Laman Nbungli Bawm A Majaw Mung Masha 185 Asak Si Sum Nna 522 Hkala Ai Lam

Pajau Media

14 November 2025

October shata mi laman Myen hpyen dap n bungli bawm a majaw mung masha 185 asak si sum mat ai hte dai kaw asak 18 ning n pu na ma marai 38 lawm ai lam, hkala hkrum ai 522 kaw nna asak 18 ning n pu ma kaji marai 67 lawm ai lam NUG shinggyim ahkaw ahkang hkringmng rung kawn ndau da ai re.

Myen hpyen dap gaw shata mi laman n bungli bawm jahkrat ai lam 250 lang galaw ai sha n-ga shinggyim ahkaw ahkang tawt lai ai lam (559) nga ai re hpe mung tang madun da ai.

Myen hpyen dap gaw mungdan ting hta n bungli bawm, laknak kaba gap bun ai lam, mazut roi rip ai lam, Ma hpyen la hku rim lahkawn ai lam, makam masham nawku jawng zawn re ai ni hpe jahten ai lam, adup zingri ai mabyin ni, tara n lang ai hku sat ai lam, mung masha dum nta wan nat ai lam matut manoi galaw nga ai re.

Myen hpyen dap n bungli htim gasat ai majaw mung masha dum nta 260 jan, hpaji jawng 24, makam masham hte seng ai nta 18 daram hten za mat sai re hpe mung chye lu ai. myen hpyen dap gaw ra lata poi galaw lu na matu grai shakut nga a aten mung re hte mungdan kata nbungli htim gasat ai lam, ga lam htu shadut ai lam ni matut manoi galaw nga ai re hpe mung chye lu ai.

Shiga – Hpring