Shwe Zet Lawk Kaw Nga Ai Sau Tawn Ai Shara Langai Wan Hkru Ai Lam

Pajau Media

April 8, 2026

Myitkyina muklum Shwe Zet lawk (1) hta nga ai sau tawn ai shara langai dai hpawt hkying 8 jan ten hkan wan hkru wa ai hpe chye lu ai.

Manhkring hte Shwe Zet lapran mali hka lam maga kaw nga ai Shwe Zet lawk 1 Karing Naw gat makau hta wan hkru ai mabyin byin nna, wan sat mawdaw 5 hte hkying 10 ram hta she wan sat lu ai hpe chye lu ai.

Wam hkru hpang wa ai lam hpe n chye lu shi ai raitim dai shara hta sau htaw mawdaw kaba ni mung nga ai majaw wan alawan sha hkru kap bra wa ai hpe chye lu ai.

Hkring 2 ram na ai hpang hkring 10 ten hkan hta wan shazim lu wa nna, wan hkru ai majaw kade ram hkrat sum wa ai hpe gaw nchye lu shi ai .

Myitkyina muklum hta lai wa sai March shata 24 hta mung hpri rai dingsa seng langai wan hku ai mabyin byin wa ai re.

Shiga - Zau