Shwebo-Myitkyina Byuha Lam Hta Hpyen Masa A Majaw Mawdaw Tsa Hku Pat Hkrum Nga Ai Lam

Pajau Media

26 May 2026

Shwebo-Myitkyina byuha lam kaw nga ai Tigyaing-Kata-Indaw-Mawlu hkan hta lahkawng maga majan byin nga nna lam pat tawn da ai majaw dai byuha lam hkan mawdaw tsa hku pat hkrum nga ai hpe mawdaw sara kawn chye lu ai.

Ya ten hpyen masa a majaw Shwebo-Myitkyina byuha lam hpe lai hkawm na ahkang hpe jahkring gan pat tawn da nna, rai htaw mawdaw ni hte hkrun lam hkawm shawa masha ni pat hkrum ai gaw bat mi ram na wa sai hpe chye lu ai.

Myen hpyen pawng hpawm hpung ni gaw lai wa sai April shata htum ten kaw na rawt malan hpung ni uphkang da ai Shwebo-Myitkyina lam hta nga ai Tigyaing-Kata-Indaw-Mawlu ginra hpe htu shadut gasat zing la ai hpang lahkwng maga hkrum majan jahkring hkring byin nga hpe chye lu ai.

Dai zawn re hpyen masa a majaw Shwebo-Myitkyina byuha lam hpe jai lang na ahkang jahkring gan pat ai lam hpe lahkawng maga na hpyen dap kawn ndau da ai.

Ya na zawn lam pat ai majaw Jinghpaw Mungdaw hta malu masha sha n-ga kaga arung arai manu ladu lai tsaw lung wa na hpe ginra masha ni tsang nga ma ai.

Shiga-Hpring