Shwegu Lam 5 Numbraw Dap Shara Hpe Bai Lu Uphkang Na Matu Hpyen Dap Kawn Htu Shadut Nga Ai Lam

Pajau Media

19 May 2026

Myen hpyen dap kawn tat kau hkrup ai Shwegu lam 5 numbraw dap shara hpe bai lu uphkang na matu May 17 ya kaw na hpyen bai htu shadut wa ai majaw lahkawng maga majan bai byin nna hpyen masa mung laja nga ai hpe chye lu ai.

Myen hpyen dap gaw dai dap shara hpe bai uphkang lu na matu hpyen n-gun law law hte htu shadut nga ai majaw majan mung hkring dat byin dat masa hte majan matut byin nga ai hpe chye lu ai.

Dai lam 5 numbraw dap shara hpe shang lawt pawng hpawm hpung kawn lai wa sai April shata hpang jahtum na bat hta lu zing wa ai hte majan laman RPG, 40 MM bawm, hkam bawm hte laknak nkau ni hpe lu zing wa ai lam chye lu ai.

 Myen hpyen dap gaw Myitkyina-Mandalay byuha lam hpe bai lu uphkang ai hpang dai lam kaba hku Jinghpaw mung maga de hpyen n-gun laknak malu masha ni sa taw nga nna hpyen htu shadut taw hpe chye lu ai.

Shiga-Hpring