SNA P.T.Ts Ni Dung Ai Jep Joi Shara Kaw Gumhpraw Ladu Lai Hta Sha Nga Ai Hte Gumhpraw N Jaw Ai Ni Hpe Lai Ahkang N Jaw Ai Lam Nga

Pajau Media Channel

16th May, 2024

Jinghpaw mung Mogaung ginra kata nga Sam Hkyeng SNA P.T.Ts hpyen hpung ni gaw Myitkyina-Mohnyin hkawm sa hkrun lam ntsa kaw jep joi shara jahkrat nna ahkun ladu lai hta sha nga ai sha n-ga n jaw ai ni hpe lai ahkang n jaw ai lam Mohnyin-Myitkyina ginra n-gu htaw shalai nga ai mawdaw la ni tsun ai kaw na chye lu ai.

Dai ginra hta shamu shamawt nga ai SNA P.T.Ts hpung ni gaw hkawm sa hkawm wa mawdaw ni hpe pru wa ai maga de kalang, bai shang wa ai maga de mung kalang ahkun hkanse hta sha nga ai re nga nna mawdaw la langai tsun ai. “Sam Hkyeng P.T.Ts jep joi shara ni grai law wa ai dai ginra de. Mawdaw kaji kaba yawng hpe pru shang lam ni yawng kaw hta ai. Wa wa sa sa hkying mi, n-gu htaw maw daw ni hpe hkying lahkawng hta ai re. Lai wa sai ten hta gaw dai ram n sawng ai, n dai hpang daw de grau sawng wa ai,” nga nna tsun ai re.

January shata daram kaw nna Mohnyin, Mogawng hte Indaw Gyi ginra ni hta SNA P.T.Ts hpung ni grai n-gun ja wa ai rai nna dai ginra mayan ahkaw ahkang lu, ka-up wa ai re sha n-ga mung masha ni hpe mara kata rim jahkrit shama tsun shaga ai lam ni nga ai hte shanhte ngu ai hku nrai yang sanat gap shadam ai lam ni galaw ai majaw mawdaw la ni hkala hkrum ai manghkang ni mung byin lai wa sai re hpe mung chye lu ai.

Shiga - Kachin Pyi Tar