Sumpra Bum Ginra De Hpyen N-Gun Jat Sa Wa Ai Myen Hpyen Dap Hpung Ni Hpe KIA/PDF Pawng Hpawng Hpyen Hpung Ni Htim Gasat Ai Lam

Pajau Media Channel

9th March, 2024

Sumpra Bum ginra mayan de March ( ya kaw nna gasat gala hpang nga sai hte dai ginra de mawdaw hte hpyen garum lung wa ai hpyen n-gun (50) grup yin ram nga ai HK.L.Y (138) hte P.T.Ts pawng hpawng hpung ni hpe Sumpyi Yang mare makau (I Hka ) mayan hta KIA pawng hpawng hpyen hpung ni kawn hkap shingla gasat ai lam nga ai re hpe chye lu ai.

Myen hpyen garum mawdaw masum hpe I hka mayan hta hkap shingla gasat ai hta minute (30) daram na hkra gasat gala majan byin ai re nga nna Sumpyi Yang ginra masha ni tsun ai. “Jahpawt daw kaw nna Putao de na yu wa ai Myen hpyen mawdaw (3) hpe Sumpyi Yang mare ndu shi ai shara kaw hkap gasat ai re, min (30) daram na ai hpang sanat nsen ni zim mat ai, kade daram sum machyi hkala hkrum ai ngu hpe gaw n lu tsun ai” nga nna tsun ai.

Dai ginra de March (9) ya jahpawt (8:00) AM daram kaw nna Sumpra Bum ginwang Mali Yang hpyen dap Posts hpe KIA/PDF pawng hpawng hpung ni kawn htim gasat zing la lu ai lam chye lu ai.

Shiga - Mali Hku