Sumpra Bum Ginra De Myen Hpyen Dap Nbungli (2) Hte Bawm Wa Jahkrat Ai Lam

Pajau Media Channel

25th April, 2024

Sumpra Bum ginra mayan hta April 24 ya shana daw Hkying 1:00 PM aten daram hta myen hpyen hpung ni gaw nbungli 2 hte bawm 4 lang wa jahkrat bun ai lam shawng lam shiga kaw na chye lu ai.

Myen hpyen dap jahkrat dat ai Nbungli bawm gaw RCM U Dang Bum kaw lahkawng lang wa hkrat ai rai nna masha hkra hkala ai lam gaw n nga ai re, bawm jahkrat kau da ai hpang Sumpra Bum ginra mayan hta n bungli gawai hkawm ai re hpe mung chye lu ai.

Ya aten Sumpra Bum ginra grup yin hta KIA pawng hpawm hpyen hpung ni shara la shingrup da ai re ai re hte lai wa sai April 22 ya shani hta mung nbungli hku nna malu masha wa jahkrat ai lam ni mung nga ai lam chye lu ai.

Sumpra Bum ginra de lai wa sai March 8 ya kaw nna gasat gala majan byin hpang ai re hte Sumpra Bum ginra masha ni gaw nam de hpyen koi yen hkawm ai shata lahkawng daram du wa sai re hpe mung chye lu ai .

Sumpra Bum ginra hta n bungli bawm ni wa jahkrat bun ai raitim KIA pawng hpawm hpung ni hku nna gaw bai n htang gap gasat ai lam gaw n nga shi ai re, ya aten du hkra hpyen masa gaw shaja hkat nga ai masa re hpe mung chye lu ai.

Shiga - Hugawng