Tinang Jaw Ai Sindan Pa Langai Gaw Mung Masha Law Law A Shawng Lam Gam Maka Hpe Daw Dan Ai Re Lam KIO Ningbaw Tsun Ai Lam

Pajau Media

January 5, 2026

Myen mungdan kata hpyen masa shuk shanut nga ai lapran raitim Myen Hpyen Dap gaw ra lata poi daw langai hpe galaw ngut sai re hte ndai ra lata poi hte seng nna KIO Ningbaw kawn tsun ai hta tinang jaw bang na Sindan Pa gaw masha law law a gam maka hpe galai shai shangun ai re majaw sadi ra ai lam tsun da ai re.

KIO ningbaw Kaba Tsun ai hta Hpyen Dap hte USDP (ပြည်ခိုင်ဖြိုး ပါတီ) gaw 2008 gaw da tara hpe shangang la mayu ai majaw ra lata poi n byin n mai hku galaw shakut nga ai re.

Tinang shang lawm nna bang dat ai Sindan Pa gaw langai mi gaw mung masha law law a gam maka hpe daw dan ya mat wa na re ngu hpe myit dum let sadi ra ai lam tsun da ai re.

Dai sha n-ga Myen Hpyen Dap gaw rawt malan hpung ni kahkyin gumdin n-gun ja wa ai hpe hkrit tsang nna rudi myusha ni lapran sumprat dawk ai lam ni nga ai re majaw dai hpe myit dum let kadai gaw hpyen, gadai gaw jinghku ngu ai hpe mung sadi sahka chye ra ai lam mung tsun da ai re.

Myen Hpyen Dap woi awn galaw ai ra lata poi hpe daw hte daw garan nna galaw nga ai re hte daw langai hpe gaw december 28 ya hta galaw ngut sai hte ngam ai daw ni hpe January shata laman galaw sa wa na re hpe mung chye lu ai.

Shiga -Pyilan U