U Htay Ngwe Hpe NUG Asuya Na Mungdan Kata Masha Shang Pru Gawnhkang Dap Na Ningtau Hkringmang Lit Shatsam Ai Lam

Pajau Media

March 30, 2026

U Htay Ngwe gaw National Unity Governmen of Myanmar (NUG) na Mungdan Kata Masha Shang Pru Gawnhkang Dap hta ningtau hkringmang hku na bai jat shatsam ai hpe (CRPH) kawn dai ni March 30 ya shani hta ndai dat ai.

Dai ni galaw ai CRPH na masat (13/2026) bungli bawng ban hpawng hta U Htay Ngwe hpe ningtau hkringmang hku na shatsam nna komati shawng hta tara shang shatsam wa ai hpe ndau da ai re.

Dap zuphpawng hpe gaw online ntsa kaw na sha galaw wa nna lamang hta gaw CRPH ningbaw U Aung Kyi Nyunt gaw hpawng hpaw mungga tsun nna amu madu Daw Phyo Phyo Tin gaw kalum ga hpe tsun lai wa ai re.

Dai amu shatsam ai majaw ya ten NUG na Mungdan Kata Masha Shang Pru Gawnhkang Dap hta ningtau hkringmang lahkawng nga wa sai rai nna U Kyaw Ni hte U Htay Ngwe gaw bungli rau galaw sa na lam hpe chye lu ai.

Shiga-Hpring