top of page

Wa Ra Zup Minzin Than P.T.Ts Hpung Ni Drone Bawm gap ai lam galaw ai sha n-ga Hpyen n- gun jat shamu hkawm nga ai lam

  • Writer: Pajau Media
    Pajau Media
  • 12 minutes ago
  • 2 min read

Pajau Media

July 31, 2025


ree

Hugawng ginra kata shamu shamawt nga ai Min Ze Thant P.T.Ts hpung ni hte KIA lapran ya aten hpyen masa shaja hkat nga dingyang re sha n-ga P.T.Ts hpung ni gaw n dai laman Wa Ra Zup, Jahtu Zup Mawdaw Lam mayan hkan Hpyen n-gun jat bang shim lam la nga ai re hpe mung chye lu ai.


Lai wa sai July 29 ya jahpawt daw HKying 7:00 Am aten daram hta mung Min Ze Thant P.T.Ts hpung ni Wa Ra Zup Hpung Gyi Jawng makau kaw Drone Bawm lahkawng lang jahkrat bun ai majaw Hpung Gyi Jawng ma marai (2) Asak si sum nna Marai (5) hkala hkrum ai lam chye lu ai.


  P.T.Ts hpung ni gaw mare kata Hpung Gyi Jawng hkan KIA Hpyen Hpung ni makoi rawng nga ai ngu sawn nna gap gasat ai hta ya na zawn Mung masha si hkala hkrum ai re lam mung chye lu ai.


Min Ze Thant P.T.Ts hpung ni gaw lai wa sai Febuary shata daram kaw nna Wa Ra Zup ginra mayan de hpyen kasu hpang wa ai hte March, April shata hkan gaw Wa Ra Zup ginra mayan Drone, N bungli bawm gap gasat ai majaw Mung masha ni Nam de koi yen mat ai re.


Lanam ladaw re majaw Nam Maling kata Lam magup yak hkak ai sha n-ga June shata daram hta gaw Hpyen masa zim wa ai zawn re ai majaw Mung masha n kau Mare de bai wa nga ai hpang n dai laman kalang bai hpyen masa shaja hkat wa ai re lam mung chye lu ai.


Min Ze Thant P.T.Ts hpung ni gaw Danai Ledo Lam mayan ginra hta shamu shamawt nga ai hte aten hpring KIA hpyen hpung ni shamu shamawt nga ai ngu maram lu ai shara ni de Drone pyen gawai nna Hkan yu, shimlam la nga ai lam ginra masha ni tsun ai kaw na chye lu ai.


Shiga- PyiLan U


Comentarios


Pajau Media

Thanks for subscribing!

bottom of page